Utstyrsansvarleg Sport

Stad: Voss, Noreg & digitalt
Varigheit: Prosjektbasert stilling (før og under Ekstremsportveko)
 

Utstyrsansvarleg Sport har ei sentral rolle i å sikre at sportsprogramma under Ekstremsportveko har tilgang på rett utstyr til rett tid. Rolla er avgjerande for god flyt i gjennomføringa av aktivitetar og konkurransar, og krev ein strukturert og løysingsorientert person med god logistikkforståing.

Hovudoppgåver og ansvar

Administrasjon og planlegging

- Ha ansvar for oversikt, lager og utdeling av utstyr til alle sportsaktivitetar under Ekstremsportveko.

- Utarbeide oversikter over utstyrsbehov og koordinere transport og distribusjon til ulike arenaer.

Vedlikehald og oppfølging

- Sikre at alt utstyr er i forsvarleg og funksjonell stand før, under og etter arrangementet.

- Følgje opp naudsynt vedlikehald og bidra til trygg og korrekt bruk av utstyret.

Samarbeid og koordinering

- Jobbe tett med greinansvarlege for å sikre at spesifikke behov for utstyr vert møtte.

- Samarbeide med logistikkteamet for effektiv transport, bruk og tilbakelevering av utstyr.

Tryggleik og kvalitetssikring

- Sørgje for at utstyret oppfyller gjeldande tryggleiksstandardar og krav.

- Handtere utstyrsrelaterte utfordringar fortløpande under arrangementet.

Oppfølging etter arrangementet

- Følgje opp utstyr etter festivalen, vurdere tilstand og behov for reparasjon eller utskifting.

- Bidra til evaluering av utstyrslogistikk og peike på forbetringspunkt til framtidige arrangement.

Me forventar

- Du er strukturert og har god oversikt.

- Erfaring med handtering av utstyr er ein fordel, gjerne frå idrett, arrangement eller logistikk.

- Du samarbeider godt med andre, som greinansvarlege, frivillige og logistikkteam.

- Du er praktisk anlagt og løysingsorientert.

- Grunnleggjande teknisk forståing og tryggleiksmedvit er ein fordel.

Arbeidstid og varigheit

Rolla krev høg tilgjengelegheit før, under og etter Ekstremsportveko, med hovudfokus på planlegging og gjennomføring i festivalperioden. Tilstadevering på Voss er naudsynt for trygg og effektiv handtering av utstyr.

Me tilbyr

- Ei viktig rolle i gjennomføringa av sportsaktivitetane under Ekstremsportveko.

- Tett samarbeid med sports- og logistikkteamet i eit dynamisk og engasjert arbeidsmiljø.

Intressert? Ta kontakt med oss!