Praktikant - Event- og prosjektleiing

Vil du vere med og gjennomføre eit stort arrangement frå innsida?
Som praktikant innan event- og prosjektleiing hos Ekstremsportveko blir du ein del av kjerneteamet som planlegg og gjennomfører ein av verdas mest ikoniske ekstremsportfestivalar.

Du vil jobbe tett på erfarne arrangørar og vere involvert i både planlegging og gjennomføring av festivalen, frå struktur og framdrift til koordinering og problemløysing på arena. Dette er ei hands-on rolle der du får sjå korleis idear blir til handling, og der innsatsen din har direkte påverknad på korleis festivalen fungerer.
 

Dette kjem du til å jobbe med:

- Bidra i planlegging og koordinering av prosjekt og aktivitetar

- Støtte arbeid med tidsplanar, framdrift og oppfølging av oppgåver

- Bidra til god kommunikasjon mellom team, frivillige og samarbeidspartnarar

- Delta i praktisk gjennomføring før og under festivalen

- Hjelpe til med løysing av utfordringar i ein levande arrangementskvardag

Me ser etter deg som:

- Har interesse for arrangementsplanlegging, prosjektarbeid eller drift

- Er strukturert, påliteleg og komfortabel med fleire oppgåver samtidig

- Likar å samarbeide og kommuniserer tydeleg

- Trivst i høgt tempo og held roen når det skjer mykje

Dette får du:

Praktisk erfaring med gjennomføring av store arrangement, innsikt i prosjektleiing i praksis og moglegheita til å jobbe tett på profesjonelle aktørar i eitt av dei mest dynamiske festivalmiljøa i Noreg.

Interessert? Ta kontakt med oss!