Ledsagerordning under Ekstremsportveko

Ekstremsportveko ønskjer å vere ein inkluderande festival for alle. For personar med gyldig ledsagerbevis tilbyr vi ei eiga ledsagerordning med ledsagerband.

Kva er ledsagerband?

Ledsagerbandet gjer det enkelt å identifisere godkjende ledsagarar under festivalen. Bandet er fleksibelt og kan nyttast av ulike ledsagarar ved behov.

Ledsagerbandet er:

ikkje personleg

ikkje knytt til ein spesifikk person

utforma slik at det kan takast av og på og overførast mellom ledsagarar

Det er eigaren av ledsagerbeviset som avgjer kven som til kvar tid fungerer som ledsagar, og som har ansvar for korrekt bruk av bandet.

Utdeling av ledsagerband

Ledsagerband vert delte ut ved innsjekk eller akkreditering.

Vanlegvis vert det delt ut 1–2 ledsagerband per godkjende ledsagerbevis.

Utlevering vert registrert av arrangør.

Reglar for bruk

Ledsagerband skal berre nyttast når personen faktisk fungerer som ledsagar.

Ledsagar må bere bandet synleg under festivalen.

Ledsagar har tilgang til relevante område saman med brukaren av ledsagerbeviset.

Ledsagar har ikkje sjølvstendig tilgang utan brukaren.

Ledsagerband er berre gyldig saman med gyldig billett eller akkreditering for brukaren.

Ordninga gir ikkje utvida rettar utover det som er nødvendig for å bistå brukaren.

Dersom ein ledsagar ønskjer å delta på festivalen privat, utan å fungere som ledsagar, må vedkomande kjøpe gyldig billett eller festivalpass på ordinære vilkår.

Ledsagerband gir ikkje rett til deltaking i aktivitetar eller tilgang utover rolla som ledsagar.

Misbruk av ordninga

Følgjande vert rekna som misbruk:

bruk av ledsagerband utan at ein faktisk fungerer som ledsagar

utlån av band i strid med ordninga

forsøk på å få tilgang ein ikkje har rett til

Ved misbruk kan ledsagerbandet bli inndrege umiddelbart.

Ved gjenteke eller alvorleg misbruk kan også rettane knytt til ledsagerbeviset bli trekte tilbake.

Tap av ledsagerband

Ved tap av ledsagerband skal arrangør kontaktast så snart som mogleg.

Nytt band kan bli utlevert etter vurdering.

Kontroll og oppfølging

Crew, vakter og frivillige kan gjennomføre kontroll under festivalen.

Ledsagar skal ved førespurnad kunne vere saman med brukaren av ledsagerbeviset.

Gyldigheit

Ledsagerbandet gjeld for heile festivalperioden dersom ikkje anna er opplyst.